Iñigo Morenok, Mendizabalako Eraikuntza Metalikoen Goi Mailako Zikloko 20 urteko ikasleak, bere erabilgarritasun-eredua erregistratu berri du OEPMn. Segurtasun-osagai horrek eskulekua eta urkila lotzen ditu, eta horrek, aurrerapen oso laburrarekin, bizikletaren kontrol eta egonkortasun handiagoa bermatzen du, txirrindulariari lur zailei zehaztasun handiagoz aurre egiteko aukera emanez. Patenteen eta Marken Bulegoak zehaztu du ez duela balio ideia bakar batek. Asmakizun berriak izan behar dute, arazo tekniko bati irtenbidea emango diotenak, eta industrialki aplika daitezkeenak.
Lan luze-luze baten ondoren, Estatuak emandako titulu horrekin, bere ideia babestuta geratzen da, eta datozen 10 urteetan, beste batzuei bere asmakuntza fabrikatzea, saltzea edo komertzialki erabiltzea eragozteko eskubidea izango du.
LEHEN LAGUNTZA EKONOMIKOAK
Monopolio horren truke, Iñigok ustiatu egin beharko du, bere kabuz edo berak baimendutako pertsonaren bidez. Oraingoz, funtsak biltzen hasi da. 1.000 €-ko saria jaso du Tknikak eta Bic Arabak, Araba Ekinek, bultzatutako ekimenak, eta Ekintzaile laguntza lortu du SPRItik, 30.000 €-rainoko laguntza ekonomikoa eskaintzen duena eta ekimena ondu eta abian jartzeko aditu baten eskura jarri duena. Era berean, abenduaren 2an eta 3an TKNIKAn Ekintzailetza Teknologikoa Murgiltzeko Jardunaldietan parte hartzeko aukera izango du. Jardunaldi horietan hainbat esparrutako aholkulari profesionalek parte hartuko dute.
Iñigo oso pozik dago orain arte lortu duen guztiagatik. Aitortu du duela urtebete osagai berri hori marrazki bat besterik ez zela, eta gaur egun prototipoa eta fabrikazio-aukera dituen produktua dela. Olga Bengoetxea eta, bereziki, Angel Dordio irakasleen laguntzarik gabe, ostiral arratsaldeetan edo aisialdietan biltzen bainintzen ideia ontzen joateko, hori ezinezkoa zatekeen, aitortu du Iñigok, jasotako babesagatik esker onez.
