Europass ataria Europan ikasteko eta lan egiteko doako tresna da. Atari berriak urtebete darama martxan. Hori dela eta, lehiaketa honen beste edizio bat jarri da abian 14 eta 18 urte bitarteko ikasleentzat, Europass atariari ahalik eta zabalkunderik handiena emateko.
Nola parte hartu:
Lehiaketan banaka parte hartuko da, eta bi zeregin hauek nahitaez egin beharko dira:
1. Bideo labur baten grabazioa, gehienez 30 segundokoa, galdera honi erantzunez: zer da Europass zuretzat?/«what does Europass mean to you ?».
Bideoa gaztelaniaz edo ingelesez grabatu ahal izango da eta, derrigorrezkoa ez bada ere, TikTok bezalako sare sozialetako aplikazioen formaturen bat erabili ahal izango da.
2. Europass atarian erregistratzea eta eskuragarri dauden 29 hizkuntzetako batean profil bat sortzea.
Lehiaketan parte hartzeko, mezu elektroniko bat bidaliko da europass@sepie.es helbidera, «Europass 2021 Lehiaketa» gaiarekin, eta honako dokumentu hauekin:
Parte hartzeko eskaera (I. eranskina).
Ikaslearen aitaren, amaren edo legezko ordezkariaren baimena, 18 urtetik beherakoa bada, irudia eta bideoa behar bezala erabiltzeko (IIA eranskina), edo ikaslearen baimena, 18 urte baditu (II-b eranskina).
Bideoa dagoen esteka (Google Drive, Dropbox, YouTube edo WeTransfer). Ez erantsi bideo-fitxategia zuzenean.
Europass kontuaren profilerako esteka.
Epea 2021eko azaroaren 23tik abenduaren 17ra egongo da zabalik.
Lehiaketaren oinarriak, eranskinekin batera, esteka honetan daude eskegita:
